Prosjektet «Forpliktande samarbeid om barnevernreforma i Midt-, Vest- og Aust-Telemark» er eit interkommunalt samarbeidsprosjekt som omfattar Barnevernsamarbeidet i Vest-Telemark, Tinn-, Notodden/Hjartdal- og Midt-Telemark barnevernteneste. Tilsaman dekker prosjektet 11 kommunar med 57 tilsette. I løpet av våren 2020 skal det etablerast interkommunalt ressursteam med psykolog, fagleiar fosterheimsarbeid og 2 familieterapeutar.
Stillinga som fagleiar fosterheimsarbeid er for tida lagt til Barnevernsamarbeidet i Vest-Telemark, men arbeidsområdet omfattar også Tinn, Notodden/Hjartdal og Midt-Telemark. Arbeidsgjevaransvar for stillinga kan bli endra når spørsmål om vertskommune for ressursteam er avklart.
LEDIG INTERKOMMUNAL PROSJEKTSTILLING
Barnevernsamarbeidet i Vest-Telemark søker etter Fagleiar fosterheimsarbeid ID 971 , 100% prosjektstilling i 2 år fram til 31.12.2021.
Stillinga kan bli fast.
Arbeidsoppgåver:
Saman med ressursteamet styrke det kommunale barnevernet for å løyse fleire oppgåver i barnevernet lokalt.
Koordinere:
- Interkommunal nettverksgruppe for fosterheimsarbeid
- Kompetanseheving og veiledning til kontaktpersonar i barnevernet i fosterheimsarbeidet
- Utvikling av felles standard for kartlegging, utgreiing og utveljing av fosterforeldre
- Oppfølging av fosterbarn, fosterfamiliar og biologisk foreldre
Ha ei sentral rolle i rekruttering av fosterheimar i regionen og i slekt og nettverk.
Kvalifikasjonar:
- Barnevernpedagog eller sosionom, gjerne med relevant tilleggsutdaning.
- Anna høgskuleutdaning kan vurderast
- Kompetanse på veiledning
- Oppdatert kunnskap om barnevern
- God forståing for ansvars- og oppgåvedeling i barnevernet
- Erfaring frå arbeid i kommunalt - eller statleg barnevern
- God kunnskap om- og erfaring frå arbeid med fosterbarn, slekt og nettverk og familieråd
- Må ha førarkort klasse B
Personlege eigenskapar:
- Evne til å drive utviklingsarbeid
- Evne til å jobbe sjølvstendig og målretta
- Har gode samarbeidsevner og er fleksibel
- Evne til å motivere, inspirere og veilede medarbeidarar
- Evne til å finne gode løysingar i oppfølging av fosterbarn, fosterheimar og biologiske foreldre
- Likar å køyre bil
Vi tilbyr:
- Godt arbeidsmiljø med hyggelege kollegaer
- Ein del tid i bil i flott natur og utan køkøyring
- KLP pensjonsordning
- Fleksitid
Ved tilsetjing må politiattest leggast fram, ikkje eldre enn 3 månader.
Personlege eigenskapar og prosjektet sitt behov vert vektlagt ved tilsetting.
Kommunen sitt administrasjonsspråk er nynorsk. Fullstendig kunngjeringstekst med link til elektronisk søknadsskjema: www.kviteseid.kommune.no.
Attestar og vitnemål vil bli etterspurt i samband med intervju.
Spørsmål kan rettast til barnevernleiar Gunn Annie Hellestad på tlf. 35 05 54 00/ 90 76 69 07
Eller prosjektleiar Synnøve Bratland på tlf 35 05 54 00 / 94 16 93 20
Søknadsfrist: 31.12.2019