3. Når kan ein komma med merknader til planprogrammet og innspel til planarbeidet?

Ved varsling om planoppstart samtidig med høyring av planprogrammet, har alle moglegheit å senda inn skriftlege innspel (innspel til planprogrammet, innspel til arealbruk, innspel til føresegner). I denne fasen har ein første moglegheit for å påverka planarbeidet ved å komma med skriftlege innspel. Nye arealinnspel må sendast inn i denne fasen.

Merknader og innspel til planprogrammet og til pågåande planarbeid blir sendt til post@mt.kommune.no eller Midt-Telemark kommune, Postboks 83, 3833 Bø. Frist for merknader og innspel er 19.05.2022.

Etter at innspela til planarbeidet er politisk behandla og planforslaget er utarbeidd, vil planforslaget sendast ut på offentleg høyring. Alle som har komme med innspel vil bli varsla om høyringa. I denne fasen er det siste moglegheit for å påverka planarbeidet ved å komma med skriftlege innspel til planforslaget. I denne fasen skal det i utgangspunktet ikkje blir sendt inn nye arealinnspel. For å kunna vedta nye arealinnspel, må planforslaget sendast på ny høyring. Det er difor viktig at nye arealinnspel kjem i første høyringsrunde, slik at ikkje planarbeidet vert utsett lenger enn naudsynt. Etter høyringa, vil planforslaget redigerast og blir framlagt til politisk behandling. Det er kommunestyret som vedtar den endelege planen.