8. Kva problemstillingar skal drøftast i planarbeidet?

Retningsgivande for kva problemstillingar som skal drøftast i planarbeidet er målsetjingane frå kommuneplanens samfunnsdel. Målsetjingane er òg førande i arbeidet med denne planen.

Målsetjingane frå kommuneplanens samfunnsdel med tyding for planarbeidet

 

Det kan vera aktuelt å vurdera endringar i avgrensingar til eksisterande utbyggingsområde, dersom dei ikkje er realiserte og dersom dette blir vurdert som riktig ut frå ein heilskapleg vurdering. Eit vurderingskriteria ville vera om området er i tråd med samfunnsdelen og om området blir vurdert som eigna med omsyn til naturfare. Det viktigaste vurderingskriteria ville være om arealformålet framleis er i tråd med gjeldande nasjonale føringar basert på ny kunnskap. Det kan for eksempel være utifrå omsynet til naturmangfald, myr eller liknande. Ein slik gjennomgang ville også gjerast med bakgrunn i reell behov, der ein ikkje legger opp til ei større utbygging enn det er reelt er behov for. Det vil òg bli vurdert om eventuelle manglar i gjeldande reguleringsplanar kan overstyrast gjennom føresegna for utvalde tema. I planarbeidet er det behov for å gå gjennom kva delar av kommunedelplanområdet på Lifjell som er mangelfullt kartlagt med omsyn til biologisk mangfald og myr.

Kommunen registrerer eit aukande tal førespurnader relatert til lysforureining i området. Mange ønsker å oppleva dei naturlege kvalitetane på fjellet òg i den mørkare årstida. Mykje kunstig lys i slike område kan øydelegga for denne opplevinga. Samtidig er det kunnskap om at lysbruk kan forureina natur og dyreliv. Lysforureining er vanskeleg å reversera, men kan avgrensast med førebyggande tiltak i ein planprosess.

Det er behov for å vurdera kvalitetane på området for barn og unge og kor godt gjeldande planar fungerer for å skapa gode område for barn og unge eller andre med tilretteleggingsbehov.

Området planarbeidet omfattar er eit viktig rekreasjonsområde og reiselivsmål for innbyggjarane i kommunen. Det er og inngangsporten til høgfjellet frå Bøsiden. Resultata frå kartlegging av viktige friluftsområde i Midt-Telemark må vurderast i løpet av planarbeidet. Det er ein fordel om arbeidet med ein sti- og løypeplan for Midt-Telemark i samarbeid med Vestfold og Telemark fylkeskommune og turlaga heng saman med dette planarbeidet. Gjeldande reiselivsstrategiar må òg vurderast i lys av planarbeidet, slik at overordna føringar for friluftsliv og reiseliv blir innarbeidd i planforslaget.

Gjeldande plan legg opp til ei omfattande utbygging av alpinheiser og nedfartar. Det må vurderast i planarbeidet om dette er ein ønskja arealbruk. Mellom anna kan ein gjennomgang av den regionale reiselivsstrategien og klimaprognosane for området kan bidra til ei overordna vurdering. Delar av dette nettet av heiser og nedfarter er lagt heilt over bekkeløp. Planlagde nedfartar i hovud- og sideløp kan vera i strid med forskrift om rammer for vassforvaltninga, rikspolitiske retningslinjer for vern av vassdrag; 016/6 Lifjellområdet og vassressurslovens føresegner om kantvegetasjon. Dette må vurderast nærare i planarbeidet. Om de planlagde trassane viser seg å vera i strid med gjeldande regelverk, må disse tilbakeførast til LNF-område.

Kommunedelområdet Lifjell er inngangsporten til høgfjellet og som utmark ein viktig matressurs med bakgrunn i beiteressursane. Historikken viser at beitebruken av Lifjell området i Midt-Telemark kommune har gått betydeleg ned dei siste åra. Årsaka til dette kan vera samansett. Det er viktig i dette planarbeidet at ein ikkje skaper hinder for framtidig beitebruk i området. Gjennom eit tett samarbeid med landbruket er det behov å kartlegga utvikling i beitebruken nærare og vurdera konsekvensane av dette for arealbruken.

Kva treng vi å kartlegga i planarbeidet?

• Gjennomgang av eventuelle ubygde fritidsbustadområde i gjeldande planar og eventuell kartlegging av konsekvensar
• Kartlegga omfanget av uregulerte og regulerte hyttetomter i gjeldande planar
• Vurdering av det reelle behovet for planlagt alpinanlegg og vurdering av trassane i forhold til forskrift om rammer for vassforvaltninga, rikspolitiske retningslinjer for vern av vassdrag; 016/6 Lifjellområdet og vassressurslovens føresegner om kantvegetasjon.
• Gjennomgang av folkehelsetilstanden og eventuelle konsekvensar av dette for Lifjellområdet
• Kartlegging av eksisterande målepunkta for ulike brukargrupper (for eksempel barn og unge) og gjennomgang av behov, mellom dei kartlegging av sti- og løypenettet med grad av tilrettelegging og målgrupper.
• Gjennomføre ein konsekvensanalyse for natur- og friluftsliv med utgangspunkt i eksisterande kartlegging og verdsetting av friluftsområda
• Gjennomgang av regional strategi for reiseliv og opplevingar og eventuelle konsekvensar for Lifjellområdet
• Gjennomgang av kulturlandskapskartlegginga frå 90-tallet og eventuell gjennomføring av ny kartlegging med tanke på vern av verdiane som kulturlandskap.
• Gjennomgang av potensiell framtidig utbyggingsvolum og vurdering av førebyggande tiltak mot lysforureining
• Gjennomgang av klimaprognosar for området og eventuelle konsekvensar for framtidig arealbruk
• Gjennomgang over tilgjengelege registreringar av biologisk mangfald i planområdet. Kartlegga naturmangfald i områdar som er forslått endra frå LNF til byggeområda og i byggeområda som per i dag ikkje er realiserte og ikkje tilstrekkeleg kartlagt etter standard metodikk (Miljødirektoratets instruks, NiN).
• Kartlegga dagens areal for reiselivsnæring, og evt. behov for utviding
• Vurdering av beitebruken, kartlegging av beiterettane i planområdet og konsekvensane av dette for arealbruken
• Innarbeiding av masterplanen for stisykling og eventuelle konsekvensar for framtidig arealbruk
• Vurdering og utarbeiding av eit forslag for ein byggegrensa i botn av krinto/tregrensa ved 700 til 800 moh.
• Alternative energikilder (solceller, vindturbiner , energibrønner, fellesanlegg ol.). Plassering og utformingskriterier.

 

Målsetjingane frå kommuneplanens samfunnsdel med tyding for planarbeidet

 

Klimaendringar fører til auka fare for flaum og skred, og arealplanen må ta høgde for dette. Klimaprofil for Telemark gir nyttig informasjon om framtidig utvikling i vêr og klima som blir lagd til grunn for planarbeidet. Vidare skal oppdatert kunnskap om økosystem tydinga si for klimatilpassing, til dømes funksjonar av myr, blir lagd til grunn for planarbeidet. Utover det blir den overordna ROS-analyse for Midt-Telemark lagt til grunn som kunnskapsgrunnlag for planforslaget.

Med ei fortetta utbygging av fritidsbustader i området, bør ein òg sjå på og vurdera behovet for å setja av areal til snødeponi i området. Det bør òg vurderast moglegheiter for å setja krav til miljøvennlege energikjelder, og energieffektive bygg ved reguleringsplanlegging. Kommunen må sikra at trafikktryggleiken langs Fv 3332 og ellers i planområdet er ivaretatt. Ei helhetlig vurdering av lokalisering av aktivitetar, stiar, løypar og vegar er naudsynt.

Det må òg kartleggast om delar av planområdet kan vera potensiell viktige for klimaplanlegging i Midt-Telemark kommune.

For skred i bratt terreng vil varsemdkart i NVE Atlas vera utgangspunktet for avgrensing av fareområde. I praksis vil truleg aktsemdkartet for snøskred vise yttergrense for alle skredtypar.

Kva krav som skal stillast til handtering av overvatn og handtering av ekstremnedbør i utbyggingsområde må vurderast i planarbeidet og bli synleg i føresegnene.

Kva treng vi å kartlegga i planarbeidet?

• Kartlegga flaumveger ved kritiske korridorar
• Kartlegga myrområda (eventuell kartlegge naturmangfald og måle myrdjupn) og vurdera konsekvensane for planforslaget/arealbruken med tanke på funksjonen som karbonlaga og flaumdemper.
• Vurdering av trafikktryggleik langs Fv 3332 og elles i planområdet og av eventuelle trafikktryggingstiltak.
• Kartlegga alle vassdrag i planområde. Alle vassdrag må merkast tydeleg i plankartet  med arealbrukskategorien Bruk og vern av sjø og vassdrag, jf. pbl. § 11-7 nr.6.